Tuesday, September 30, 2014

तुला कायं म्हणावं काहीच कळत नाही....

तुला कायं म्हणावं काहीच कळत नाही...............??

असतेस जेव्हा तु माझ्याबरोबर
बेधुंद वागतो तेव्हा मी खरंतर
तु नसलीस की मग तुझ्या आठवनींना उधाण येई
तुझ्या आठवनीं सोबत
दिवस सरतो सहज पण ती कळोखी रात्र सरत नाही
तुला कायं म्हणावं काहीच कळत नाही...............??

दिवस उतरावा तसे तुझे
विचार मनात उतरतात
हळुच मग मनाच्या
हळव्या कोन्यातली नाजुक तार छेडतात
तुझ्या त्या विचारांनी मी मात्र घायाळ होई
तुला कायं म्हणावं काहीच कळत नाही...............??

एकटा वाटेवर चालतानाही
तुझी सोबत सतत जाणवी
मागे वळुण पाहताना
माझ्याच सावलीत मी नेहमीच तुझं चित्र पाही
तुला कायं म्हणावं काहीच कळत नाही...............??

तु समोर असल्यावर तुझ्या डोळ्यात
मी स्वत:चे प्रतीबिंब पाही
त्या प्रतीबींबातही मी तुझी साथ शोधण्याचा प्रयत्न करी
पण नेमकं तेव्हाच तु पापण्या मिटतेस
का ? गं अशी मला तु नेहमीच छळतेस
पण त्या छळण्याने मात्र कधीही त्रास होत नाही
तुला कायं म्हणावं काहीच कळत नाही...............??

तु जवळ असल्यावर तुला मी स्पर्श करु पाही
तुला मी स्वत:च्या प्रेमळ मीठित घेउ पाही
पण देव जाणे का ? माझं कधी धाडसंच होत नाही
जवळ असुनही कसला हा दुरावा
आता खरच हे सगळ सहन होत नाही
तुला कायं म्हणावं काहीच कळत नाही...............??
तुला कायं म्हणावं काहीच कळत नाही...............??

@सचिन काकडे

गप्पच रहावस वाटत...

गप्पच रहावस वाटत
तुझ्या जवळ बसल्यावर,
वाटत तू सगळ ओळखावस
मी नुसत हसल्यावर...
-चंद्रशेखर गोखले

Friday, September 26, 2014

आजचा सुविचार

आजचा सुविचार

महाराष्टातील साडेतीन शक्तीपीठांचे दर्शन....

महाराष्टातील साडेतीन शक्तीपीठांचे दर्शन.......
1-रेणुका माता ,माहुरगड.
2- तुळजाभवानी ,तुळजापुर .
3-महालक्ष्मी ,कोल्हापुर.
4-सप्तशृंगी ,वणीगड (नाशिक).
"जय माता दी "

Wednesday, September 24, 2014

सर्वपित्री अमावस्या

आज सर्वपित्री अमावस्या झाली सर्व मयत व्यक्ती कावळ्याचे रूप घेऊन घरी येऊन गेलीत आता ऊद्या पासून मतदारसंघातील ईचछूक कावळे घरोघरी न बोलता येतिल...

Sunday, September 21, 2014

I Love You

कोणाच्या तरी येण्याने आयुष्यच कधी कधी बदलून जातं

आपलं सारं जगच त्यांच्याभोवती फिरू लागतं
जिवंत राहणं आणि एक एक क्षण जगणं
यातला फरक समजू लागतो
नाही नाही म्हणता आपणही
प्रेमात पडू लागतो

कधी हसणं विसरून गेलो तर
ते हसायला शिकवतात
जीवन हे खऱ्या अर्थाने
जगायला शिकवतात

पण एक दिवस जेव्हा ते दूर निघून जातात....

आपलं आयुष्यच अर्थशून्य वाटू लागतं
त्यांच्या गोड आठवणींमधे वेडं मन झुरू लागतं

कारण प्रत्येकालाच गरज असते एका साथीदाराची,
प्रत्येक क्षणाला प्रीतीच्या रंगात रंगवण्यासाठी
त्याच्या गोड गुलाबी स्वप्नात हरवण्यासाठी

म्हणूनच ........
असेल जर कोणी असं खास तुमच्याजवळ
जाऊ देऊ नका त्यांना कधी दूर
एकदा जवळ घेऊन म्हणून तर बघा
" I LOVE YOU

Nitesh Hodabe

Friday, September 19, 2014

अहंकार....

एखाद्या लाकडाला किंवा कुठल्याही गोष्टीला लागलेल्या आगीचा गुणधर्म एकच ...
आपल्या आजूबाजूला असणाऱ्या सर्व ज्वलनशील पदार्थांवर आग पसरवणे ...
जोपर्यंत आजूबाजूला ज्वलनशील गोष्टी आहेत तोवर ठीक ...
पण एकदा त्या जळून गेल्या की मग काय ...
मग ते लाकूड स्वतः देखील त्या आगीत जळून खाक होतं ... आग शेवटी त्या लाकडाचीच राख करते ...
अहंकाराच अन अहंकारी माणसाचं पण काही तसंच आहे ...
ही अहंकाराची आग एकदा लागली की ती नाते-संबंध, विश्वास ह्या सगळ्याच गोष्टींत ठिणग्या पेटवून देते ...
सगळीकडे आग आपल्या 'कर्तृत्वा'मुळे लागलीये ह्या भ्रमात जगणाऱ्या अहंकारी माणसाने एक गोष्ट लक्षात ठेवावी ...
की ह्या सगळ्या गोष्टी जळून खाक झाल्या नंतर ती आग शेवटी त्याच्या अहंकारासोबत त्याच्याच अस्तित्वाची सुद्धा राख करेल ...
बरं एकदाची जळून राख झाली तरी बेहत्तर ...
पण कधी कधी ती आग 'विस्तवा'च्या रूपाने कायम धगधगत राहते ...
आणि एकदाचं जळून खाक न होता हे असं कायमचं थोडं थोडं 'भाजत' राहणं जास्त त्रासदायक असतं !!!

Tuesday, September 16, 2014

किती छळतोस...

किती छळतोस...
अस कितीदा वाटत
आणि अस वाटल की तुझ्यावरच
प्रेम आणखीणच दाटत
-चंद्रशेखर गोखले

Wednesday, September 10, 2014

अपण मोठे झाल्या नंतर...

अपण मोठे झाल्या नंतर,
स्वता: किती ही नट्टापट्टा केला,
तरी
हिरो झाल्याची फिलिंग तर तेव्हाच यायची,
जेव्हा लहानपणी आई अंघोळ घालुन,
काजळ पावडर लावुन,
हनुवटीला पकडुन,
साइडने भांग पाडायची....

मनाचे काय रे....

मनाचे काय रे....

Monday, September 08, 2014

।| आज थोडं भांडणार आहे ।|

।| आज थोडं भांडणार आहे ।|

शतकापासून मनात साचलेल दु:ख थोड मांडणार आहे..
टिळक महाराज तुमच्यासोबत आज थोडं भांडणार आहे ||धृ ||
माजघरातल्या मखरातून तुम्ही थेट मला रस्त्यावर नेलंत;
मंडप-सजावटीचा थाटमांडून एका वर्षात पॉप्युलर केलतं;
तेव्हा नव्हतं मनात माझ्या सुख असं सांडणार आहे ;
टिळक महाराज तुमच्या सोबत आज थोड भांडणार आहे (१)

जोरदार व्याख्याने, मेळे, स्पर्धा..
सगळे अजून आठवणीत आहे
सुपाएवढ्या कानात अजून हिराबाईचा षड्ज साठवणीत आहे
हिराबाई अन् मुन्नी मधला फरक
अाज मांडणार आहे ;
टिळक महाराज तुमच्या सोबत आज थोड भांडणार आहे (२)

दानपेटीत पडलेले नाणं आधी
खळकन वाजत होतं;
माझ्यासाठी दिलेले दान...
माझ्याच अंगी लागत होतं;
माहित नव्हतं भक्त मला
सोनसाखळयानी बांधणार आहेत;
टिळक महाराज तुमच्यासोबत आज
थोडं भांडणार आहे (३)

नवश्यांच्या इच्छा ऐकून आता कान किटले माझ,
अर्धोन्मिलीत डोळे केव्हाच मिटले माझे;
त्यांच्या सगळ्या इच्छा आता तुमच्याच कानात सांगणार आहे;
टिळक महाराज तुमच्यासोबत आज थोडं भांडणार आहे (४)

विसर्जनाची मिरवणूक आधी काही तासच चालत हाेती;
"लवकर या" असं सगळी मनापासून बोलत होती;
यंदा म्हणे मिरवणूकही दिवस-दिवस लांबणार आहे;
टिळक महाराज तुमच्यासोबत आज थोडं भांडणार आहे (५)

टिळक महाराज पुन्हा सारं पहिल्यासारखं होईल का?
पुढल्या वर्षी चिंता सोडून सुख फक्त राहील का ?
नाहीतर पुढल्या वर्षी कैलासावरच मी नांदणार आहे;
टिळक महराज तुमच्यासोबत आज थोडं भांडणार आहे (६)..

मित्रहो,
चला आपल्या धर्माचं पावित्र्य आपणच राखु या
बाप्पा सुद्धा म्हणेल "लवकर येतो"
असे वागून दाखवू या!
बाप्पा 'शुभस्ते पंथान: सन्तु...'

गणपती बाप्पा मोरया !!! पुढच्या वर्षी लवकर या !!!

गणपती बाप्पा मोरया !!! पुढच्या वर्षी लवकर या !!!

Friday, September 05, 2014

शिक्षकदिनाच्या हार्दिक शुभेच्छा

शिक्षकदिनाच्या हार्दिक शुभेच्छा

बाप्पांची इच्छा...

बाप्पांची इच्छा...
कपडे तुम्ही शिवाल तर अंग तुमचं झाकेल,
अन्न तुम्ही शिजवाल तर पोट तुमचं भरेल...
मी आहे चोहीकडे, मला एकाच ठिकाणी शोधू नका,
माझ्या नावाने अंधश्रद्धेचा स्त्रोत तुमही बनू नका
तूमच्या मनात माझा वास आहे, मुर्त्यांमध्ये मला पाहू नका,
आराधना माझी करण्यापेक्षा, स्वतःच्या आंतरातम्यात मला वाकून बघा..
रूप माझं एकच आहे, मी कुणाचा राजा नाही,
तुमचं दुःख जाणतो, एकटं तुम्हाला सोडणार नाही...
१०८ नावं आहेत माझी, अजून नावं देऊ नका,
गल्लो गल्ली प्रदर्शन उभारून अपमान माझा करू नका...
लाखो कोटींचे दान येते माझ्यापुढे, मी काय करू त्याचे,
माझी कृपादृष्टी आहेच तुमच्याववर, हे पैसे आहेत तुमच्या कष्टाचे....
घरा घरात माझी पूजा करता,
मग रांग लावून मंदीराकडे का धाव घेता..
खेळ मांडू नका माझ्यावरच्या श्रद्धेचा..
पावेन मी त्यालाच जो मार्ग निवडेल सत्याचा....

घर

घर

तू सुखकर्ता तू दुखहर्ता

तू सुखकर्ता तू दुखहर्ता